Play Store ကနေဖြုတ်ချခံထားရတဲ့ Nothing Chats

Nothing ရဲ့ iMessage Support ပေးတဲ့ Nothing Chats ကတော့ Play Store ကနေ ပူပူနွေးနွေး ပြန်ဖြုတ်ချခံလိုက်ရပါတယ်။ အကြောင်းအရင်းကတော့ User တွေရဲ့ Data တွေကို Nothing Chats တည်ဆောက်ရာမှာ အတူလက်တွဲထားတဲ့ Sunbird က ဝင်ရောက်ကြည့်ရှုနိုင်နေတာဖြစ်ပြီး၊ တစ်ခြား Security Bugs တွေလည်း အများအပြားပါဝင်နေလို့ဖြစ်ပါတယ်။

Nothing Chats ကိုအသုံးပြုဖို့ဆိုရင် Sunbird ရဲ့ ကိုယ်ပိုင် Server တွေကိုအသုံးပြုပြီး User တွေရဲ့ Data တွေတင်မကပဲ ပို့ထားတဲ့ Message တွေကိုပါ Store လုပ်ထားဖို့လိုပါတယ်။ အဆိုပါ Server တွေကို Sunbird ကဝင်ရောက်ကြည့်ရှုနိုင်ရုံတင်မကပဲ တစ်ခြားသူတွေကပါ ဝင်ရောက်ကြည့်ရှုနိုင်နေခဲ့တာဖြစ်ပြီး၊ ဖုန်းတစ်လုံးနဲ့ တစ်လုံးချိတ်ဆက်ရာမှာလည်း End-to-end မဟုတ်တဲ့အတွက် လုံခြုံရေး အတော်လေးအားနည်းတဲ့ အနေအထားဖြစ်နေတာပါ။

ဒါ့အပြင် ဖုန်းကနေ Server ကို Data တွေပို့တဲ့နေရာမှာလည်း Plain Text တွေအနေနဲ့ပို့တာဖြစ်ပြီး၊ Https မဟုတ်ပဲ မလုံခြုံတဲ့ Http ကိုသာသုံးထားတာပါ။ ဒါပေမယ့် Sunbird ဖက်ကတော့ Initial Connection အတွက်သာ Http ကိုသုံးထားပြီး လုံခြုံရေး စိတ်ချရတယ်လို့ ထုတ်ပြန်ထားပါတယ်။

Carl Pei အနေနဲ့ရော၊ Nothing ဖက်ကနေရော ဒီကိစ္စနဲ့ပတ်သက်လို့ ဘာထုတ်ပြန်ချက်မှာ မပြုလုပ်ထားသေးပဲ Nothing Chats ကိုလည်း Play Store ကနေဖြုတ်ချထားပြီး ဘယ်အချိန်ပြန်ထုတ်ပေးမယ်ဆိုတာ မသိရသေးပါဘူး။

Ref : The Verge

#AkhayarTech