Apple Production အနည်းဆုံး ၂၅ ရာခိုင်နှုန်းကို အိန္ဒိယသို့ပြောင်းမည်

Apple အနေနဲ့ ​Production ပိုင်းကို တရုတ်အပေါ်ကိုမှီခိုနေတာကို တစ်ဖြည်းဖြည်းလျော့ချဖို့အတွက် အိန္ဒိယကို ထုတ်လုပ်ရေးတွေ တစ်ဖြည်းဖြည်းနဲ့ ပို့နေပါတယ်။ ပြီးခဲ့တဲ့အပတ်က အိန္ဒိယနိုင်ငံ အာရှဆိုင်ရာ ကုန်သွယ်ရေးဝန်ကြီးမှ အနည်းဆုံး ထုတ်လုပ်ရေး ၂၅ ရာခိုင်နှုန်းကို ၂၀၂၅ အမှီ အိန္ဒိယကို ပြောင်းလာဖို့ရှိတယ်လို့ဆိုပါတယ်။

လောလောဆယ် Apple Product တွေရဲ့ ၅-၇ ရာခိုင်နှုန်းကို India မှာထုတ်လုပ်နေပါတယ်။ Apple အနေနဲ့ Apple iPhone 14 Series မှာတရုတ်ရဲ့ ကိုဗစ်စည်းမျဥ်းတွေကြောင့် ထုတ်လုပ်ပိုင်းမှာပြဿနာတွေ ရှိခဲ့ပြီး ကမောက်ကမတွေဖြစ်ခဲ့ပါတယ်။ ဒါတွေကိုတွေးပြီး ပိုပြီးအဆင်ပြေတဲ့ နိုင်ငံတွေကို ပြောင်းဖို့စီစဥ်တယ်လို့လည်း မှတ်ချက်တွေပေးထားပါတယ်။ ဒါ့အပြင် တရုတ်နဲ့ အမေရိကန်နိုင်ငံကြား တင်းမာနေတဲ့ အခြေအနေတွေကြောင့်လည်း ဖြစ်ပါတယ်။

တစ်ကယ်တော့ မြန်မာနိုင်ငံဟာလည်း အခြေအနေတွေသာကောင်းရင် ကူးလာနိုင်တဲ့ ကြားခံနိုင်ငံတစ်ခုအဖြစ် မျှော်လင့်လို့ရပါတယ်။ ခုလိုကုမ္ပဏီကြီးတွေသာ ဝင်လာခဲ့ရင် အလုပ်အကိုင်အခွင့်အလမ်းတွေလည်း ပေါလာနိုင်သလို၊ မြန်မာနိုင်ငံရဲ့ iPhone ဆိုတာ ပိုက်ဆံတွေပေါမှ ကိုင်နိုင်တဲ့ Luxuary Brand ဆိုတဲ့အယူအဆကို အထိုက်အလျောက် လျော့ချပေးနိုင်မှာဖြစ်ပါတယ်။

#AkhayarTech

Ref : GSMArena