အင်တာဗျူးအတွင်း ဆောင်ရန်၊ ရှောင်ရန်များ
Tech Company တွေမှာ အလုပ်လျောက်သူတွေအတွက် ဆောင်ရန်၊ ရှောင်ရန်တွေကို Reddit မှာမျှဝေထားလို့ ပြန်လည်ဖြည့်စွက် မျှဝေပေးလိုက်ပါတယ်။ Tech နဲ့မဝေးတဲ့သူတွေအတွက် ဗဟုသုတအဖြစ် မျှဝေလိုက်ပါတယ်။
၁.အလုပ်အကြောင်းကို လေ့လာသွားပါ
အလုပ်အကြောင်းတစ်လုံးမှသေချာမသိပဲ အင်တာဗျူးသွားတာမကောင်းပါဘူး။ အလုပ်ရဲ့နာမည်အပြည့်အစုံ၊ ကုမ္ပဏီကဘာတွေလုပ်တာလဲ၊ Company ပိုင်ရှင်ဘယ်သူလဲ၊ Vision & Mission တွေက ဘာတွေလဲဆိုတာ အနည်းဆုံးလေ့လာပြီး မှ အင်တာဗျူးသွားဖို့ အကြံပေးပါတယ်
၂.အင်တာဗျူးကို အချိန်မှီသွားပါ
အလုပ်မဝင်ရသေးဘူး အင်တာဗျူးကစပြီး နောက်ကျနေရင် မဟုတ်တော့ပါဘူး။ အနည်းဆုံးချိန်းထားတဲ့အချိန်ထက် ၁၀ မိနစ်ခန့် ကြိုရောက်အောင်သွားဖို့ အကြံပြုလိုပါတယ်
၃.အဝတ်အစားကို သင့်တော်အောင် ဝတ်စားဆင်ယင်ပါ
အိမ်နေရင်း အဝတ်အစားသာသာကို ဝတ်ပြီး အင်တာဗျူးသွားလို့မဖြစ်ပါဘူး။ အကောင်းစားတွေဝတ်ဖို့မလိုပါဘူး။ သပ်သပ်ရပ်ရပ်နဲ့ သင့်တော်အောင်ဝတ်နိုင်ရင်ရပါပြီ
၄.ဖုန်းတွေကို Silent လုပ်ထားပါ
အင်တာဗျူးဝင်နေစဥ်အတွင်းမှာ ဘေးကအနှောက်အယှက်တွေမဖြစ်အောင် ဖုန်းကိုမပိတ်ထားချင်ရင်တောင် Silent လုပ်ထားပါ
၅.ကိုယ်ဟန်အမူအရာ ကောင်းကောင်းရှိပါစေ
အင်တာဗျူးနေစဥ်အတွင်းမှာ မျက်လုံးကတောင်ကြည့်၊ မြောက်ကြည့်လုပ်တာမျိုး၊ ခုံကြီးကို အတင်းမှီထိုင်နေတာမျိုး၊ ဒူးနှံ့နေတာမျိုး မလုပ်ဖို့လိုပါတယ်။ ကိုယ့်ကို အများကြီး အထင်သေးစေသွားမယ့်လုပ်ရပ်တွေပါ
၆.မေးတာကိုပဲ တိတိကျကျဖြေပါ
မေးခွန်းတွေမေးလို့ ဖြေတဲ့အခါမှာ အပိုတွေလျောက်မပြောပဲ တိတိကျကျနဲ့ လိုအပ်တဲ့ အချက်အလက်တွေကိုပဲ ဖြေရင်ရပါပြီ။ "ဘာဟင်းနဲ့ထမင်းစားလဲမေးတဲ့အခါ ရည်းစားနဲ့အတူတူစားပါတယ်" လို့မဖြေရင်ရပါပြီ
၇.မိမိလုပ်ဖူးတဲ့အလုပ်ဟောင်းတွေကို အပြစ်တင်တာမျိုးရှောင်ပါ
အင်တာဗျူးလုပ်နေစဥ်အတွင်းမှာ အရင်အလုပ်ရှင်အကြောင်းကို မကောင်းပြောတာမျိုး လုံးဝရှောင်ပါ။ Professional လုံးဝမဆန်တဲ့ အပြုအမူဖြစ်ပါတယ်
၈.မေးစရာမေးခွန်း ရှိနေပါစေ
တစ်ချို့အလုပ်ရှင်တွေက ဒီအလုပ်နဲ့ပတ်သတ်ပြီး ဘာမေးစရာရှိလဲလို့ မေးလာခဲ့ရင် ဘာမှမမေးပဲ နေတာမျိုးမလုပ်ပါနဲ့။ အလုပ်နဲ့ပတ်သတ်ပြီး မေးစရာမေးခွန်းတစ်ခုခုရှိအောင် လုပ်ထားပါ
၉.CV မှာအချက်အလက်တွေကို အမှန်တိုင်းသာဖြည့်ပါ
CV Formထဲမှာ အချက်အလက်တွေ ထည့်တဲ့အခါ အထင်ကြီးအောင် လျောက်ထည့်တာမျိုးမလုပ်ပါနဲ့။ အမှန်အတိုင်းသာဖြည့်ပါ။ Recuritment Agency တွေနဲ့တွေ့ရင် Black List ပါတင်ခံရနိုင်ပါတယ်
၁၀.အရမ်းကြီး ကိုယ်ရေးကိုယ်တာ ဆန်တဲ့ အချက်အလက်တွေ အင်တာဗျူးထဲမှာ မပြောမိပါစေနဲ့
ဥပမာ(ဒီအလုပ်မှာ အရင်က ကျနော့်ရည်းစားဟောင်း လုပ်ဖူးတယ်) အဲ့လိုမျိုးတွေမပြောမိပါစေနဲ့
၁၁.မိမိအလှည့်မရောက်သေးပဲ အင်တာဗျူးအခန်းထဲကို အတင်းမဝင်ပါနဲ့
ကိုယ့်ကိုမခေါ်သေးပဲအတင်းဝင်တာမျိုး၊ Meeting တစ်ခုခုထဲကို အတင်းစကားဝင်ပြောတာမျိုး မလုပ်ပါနဲ့။ ရိုင်းတဲ့အပြုအမူပါ
၁၂.ရိုင်းပြတဲ့စကားလုံး၊ ဆဲရေးတဲ့အသုံးအနှုန်းတွေ ရှောင်ပါ
ခုခေတ်မှာ အသုံးများတဲ့ broတို့, WTF တို့လိုမျိုးတွေ နှုတ်ကျိုးပြီး ထွက်မသွားအောင် ဂရုစိုက်ပါ။ အလုပ်ရှင်တွေက သူငယ်ချင်းလို ပေါင်းရမဲ့သူတွေမဟုတ်ပါဘူး။
Ref : Reddit
