နားထောင်ကြည့်သင့်တဲ့ Spotify Playlist Part 2
ဒီတစ်ပတ်တော့ နားထောင်သင့်တဲ့ Spotify Playlist အဆက်လေးပြောပြပေးပါမယ်။ ဒါ့အပြင် ကျွန်တော်အကြိုက်ဆုံး Playlist တွေကိုလည်း ကြားညှပ်ပြီးပြောပြပေးသွားမှာဖြစ်ပါတယ်။
၁. Monday Motivation by Spotify
Monday Blue မှာရုံးတက်ရလို့ စိတ်ညစ်နေပြီလား။ ဒါဆိုရင် ဒီPlaylist လေးကိုဖွင့်ပြီး နားကြပ်လေးတပ် ရုံးအသွား ကားပေါ်မှာဖြစ်ဖြစ်၊ ရထားပေါ်မှာဖြစ်ဖြစ် နားထောင်ဖို့အကြံပေးချင်ပါတယ်။(အိပ်လိုက်သွားတာမျိုးတော့မလုပ်နဲ့နော် :3) သီချင်းတွေက ခပ်မြူးမြူးမို့ အားလုံးရဲ့စိတ်ကို ပေါ့ပါးသွားစေတဲ့ Feeling ရစေမှာပါ
၂. Happy Chill songs to brighten your day by euquol
နေ့လည်ခင်းတွေမှာ ပျင်းခြောက်ခြောက်ဖြစ်နေရင် ဒီ Playlist လေးကိုဖွင့်ပြီး ခဏလောက် မျက်စိမှိတ်ပြီး နားထောင်ဖူးတဲ့သီချင်းပါလာရင် လိုက်ဆိုကြည့်လိုက်...သီချင်းတွေအများစုက 90's Vibe နဲ့ Beat တွေပါလို့ မြူးမြူးလေးနဲ့ ပျော်ဖို့ကောင်းနေမှာ သေချာပါတယ်
၃. Mellow Evening by Spotify
ညနေဖက် အလုပ်တွေပြီးလို့၊ အပြင်မသွားဖြစ်ပဲ အိမ်ပြန်ရောက်လာရင် ပင်ပင်ပန်းပန်း ခဏလောက် အိပ်ရာထဲလှဲပြီး သီချင်းနားထောင်မယ်ဆိုရင် ဒီ Playlist ကိုဖွင့်ပြီး အိပ်ရာထဲဖြစ်ဖြစ်၊ ဆိုဖာပေါ်ဖြစ်ဖြစ် လှဲချလိုက်...လွမ်းတတ်၊ဆွေးတတ်ရင် သတိတော့ထား၊ လောလောဆယ် ထိပ်ဆုံးကသီချင်းက Joji ရဲ့ Die for you
၄. Emotional Orchestral Music by Joel Domingos
ဒါကကျွန်တော်ရဲ့ All Time Fav ထဲကတစ်ခုဖြစ်ပါတယ်။ ဟင်းချက်နေရင်းဖြစ်ဖြစ်၊ အိမ်မှာတစ်ခုခုလုပ်နေတုန်းပဲဖြစ်ဖြစ်၊ ကျောင်းသွားနေတုန်းဖြစ်ဖြစ်၊ ညဖက်အိပ်မပျော်ရင်လည်း တစ်ခါတစ်လေဖွင့်ထားလိုက်မိတဲ့အထိ နားထောင်ဖြစ်ပါတယ်။ ခံ့ညားငြိမ့်ညောင်းတဲ့ Orchestra သံတွေကို နားဆင်ကြည့်ဖို့ ဖိတ်ခေါ်ပါတယ်
၅. Morning Coffee Jazz Music by Chilled Jazz Masters
ဒီ Playlist နာမည်မှာ မနက်ခင်းလို့ ပါနေပေမယ့် ညဖက်မှာ မီးမှိန်မှိန်လေးနဲ့ ဝိုင်တစ်ခွက်စီကိုင်ပြီး ရည်းစားလေးနဲ့ အမှတ်တရညခင်းလေးတွေဖန်တီးမယ်ဆိုလည်း Perfect နော်။ ကျွန်တော်ကတော့ မနက်ခင်းမှာပဲ တစ်ယောက်ထဲ မနက်စာစားရင် နားထောင်ပါတယ်။
