Second Phone ဝယ်တော့မယ်ဆိုရင် ဆောင်ရန်၊ရှောင်ရန်အချက်များ
ယနေ့ခေတ်မှာနည်းပညာ တိုးတက်လာတာနဲ့အမျှ နည်းပညာပစ္စည်းတွေဟာလဲတိုးတက်လာပါတယ်။နည်းပညာလုပ်ဆောင်မှုတွေနဲ့အတူ လိုက်မြင့်လာတာကတော့ဈေးနှုန်းပါပဲ။လောလောဆယ်မှာ စွမ်းဆောင်ရည်အတော်မြင့်မြင့်ဖုန်းအသစ်တစ်လုံးဟာ 10 သိန်း ဝန်းကျင် ရှိပါတယ်။ဒီတော့ အသစ်ဝယ်မဲ့အစား Second ဖုန်းတွေဝယ်ရောင်းလုပ်တာဟာဈေးကွက်တစ်ခုဖြစ်လာပါတယ်။
Second Phoneတွေကို ဝယ်တော့မယ်ဆိုရင် သတိထားရမယ့်အချက်တွေကတော့ -
(၁) ကိုယ်လိုချင်တာ ဘာဖုန်းအမျိုးအစားလဲဆိုတာသေချာပါစေ။ ဘာ Modelအမျိုးစားသေချာကိုဖြစ်နေရမယ်မဆိုလိုပါဘူး။ ကိုယ်လိုချင်တဲ့ ဖုန်းမှာအနည်းဆုံး Ram ဘယ်လောက် ပမာဏ ၊ကင်မရာ ဘယ်လောက်ကောင်းရမယ်၊screen sizeအကြီးအသေးကိုမဝယ်ခင်ကြိုတင်ပြီးသေချာစဉ်းစားထားပေးပါ။ဒါမှကိုယ်သုံးနိုင်တဲ့ငေပမာဏနဲ့ကိုယ်လိုချင်တဲ့ ဖုန်းအမျိုးအစားကို ချိန်ညှိနိုင်မှာဖြစ်ပါတယ်။
(၂)ကိုယ်ဘယ်ကနေတဆင့်ဝယ်မယ်ဆိုတာသိရပါမယ်။
ယခုခေတ်မှာတော့ social mediaတွေပေါ်မှာ ကြေငြာpostတွေတင်ပြီးရောင်းကြပါတယ်။မြန်မာနိုင်ငံမှာဆိုရင်လဲ facebookပေါ်မှာ အရောင်းအဝယ်တွေလုပ်သလို နိုင်ငံတကာမှာဆိုရင်တော့ eBay လိုမျိုးwebsiteတွေကနေတဆင့် အရောင်းအဝယ်လုပ်ကြပါတယ်။ ဒီလိုဝယ်ယူတဲ့နေရာရွေးချယ်ရာမှာလဲသတိထားရမယ့်အချက်တွေရှိပါတယ်။ ဥပမာ တစ်ယောက်ထဲကတင်ထားတဲ့ဈေးနှုန်းတွေကို အရမ်းယုံကြည်လို့မရပါဘူး။ သူ့ထက်ဈေးနှုန်းအပြောင်းအလဲတွေပါတဲ့အခြားရောင်းသူလဲရှိနေနိုင်တဲ့အတွက် အနည်းငယ်ဆက်လက်ပြီးရှာဖွေသင့်ပါတယ်။ အလိမ်ခံရတာတွေလည်းရှိနိုင်လို့ သတိထားရပါမယ်။
(၃) အကယ်၍ Online ငွေပေးချေမှုတွေ ပြုလုပ်ရမယ်ဆိုရင်လည်း ယုံကြည်စိတ်ချရတဲ့ငွေလွှဲ ဝန်ဆောင်မှုတွေကိုသာအသုံးပြုသင့်ပါတယ်။ ရောင်းတဲ့သူဟာလည်းအများကယုံကြည်ရတယ်လို့သတ်မှတ်ထားသူနဲ့သူအရောင်းအဝယ်လုပ်တာအကောင်းဆုံးဖြစ်ပါတယ်။
(၄) နောက်သတိထားရဦးမယ့်အချက်က onlineကနေဝယ်ယူတော့မယ်ဆိုရင် ကိုယ်ဝယ်ယူမဲ့ဖုန်းမှာပါတဲ့ အပြစ်အနာအဆာလေးတွေကို အသေးစိတ်ကအစမေးမြန်းစုံစမ်းပြီးမှ ဝယ်ယူသင့်ပါတယ်။ ဥပမာ-ရောင်းသူက ဖုန်းမျက်နှာပြင်မှာ အပွန်းရာတစ်ခုပါရှိလို့ ပြောလာခဲ့ရင်ဒါဆို ဘေးဘောင်နဲ့ နောက်ဖက်အကာတွေက ပွန်းရာခြစ်ရာလုံးဝ ကင်းတယ်ပေါ့" စသဖြင့်မေးခွန်းလေးတွေကိုဂရုပြုမေးသင့်ပါတယ်။ အကယ်၍ ပစ္စည်းမှာ သူဖော်ပြထားတဲ့အချက်တစ်ခုခုနဲ့မကိုက်ညီရင် ပြန်လဲလို့ရ မရကိုလည်း သေချာမေးထားပါ။
(၅)အကယ်၍များ အပြင်မှာလူချင်းတွေ့ပြီးအရောင်းဝယ်လုပ်မယ်ဆိုပါစို့။ဒါဆိုရင်တော့ဖုန်းကိုလူကိုယ်တိုင်စစ်လို့ရပါပြီ။ ပထမဆုံးအနေနဲ့ ဖုန်းကိုသင့်ရဲ့ ကိုယ်ပိုင် sim cardနဲ့ထည့်စမ်းလိုကြောင်းပြောရပါမယ်။ နောက်ပြီးတော့ဖုန်းအားဝင်၊မဝင်၊ အပွန်းအစင်းအနာဆာတွေကသူပြောသလို ဟုတ်မဟုတ်သေချာစစ်ရပါမယ်။ အကယ်၍ရောင်းမဲ့သူကအစစ်ခံဖို့ငြင်းလာရင်တော့ နောက်ထပ်ရောင်းသူအသစ်ရှာတာအကောင်းဆုံးပါ။ အရောင်းအဝယ်လုပ်ဖို့ချိန်းဆိုတဲ့နေရာကိုလည်း တတ်နိုင်ရင်လူများများရှိတဲ့နေရာမှာ ချိန်းသင့်ပါတယ်။ပြီးတော့မိမိရဲ့လုံခြုံရေးအတွက်အပြင်ဖုန်းရဲ့အနာအဆာတွေကိုသေချာ ကြည့်ရှုစစ်ဆေးဖို့ အလင်ရောင်ကောင်းကောင်းရတဲ့ Public Place တွေမှာပဲ ချိန်းကြပါ။
(၆)ဖုန်းရောင်းမဲ့သူကဖုန်းကိုအစစ်ခံမယ်ဆိုရင်တော့ဖုန်းကိုစစ်လို့ရပြီ။ ဖုန်းကိုစစ်ဖို့အတွက်မိမိအနေနဲ့ power bank ဒါမှမဟုတ် laptopတစ်လုံး၊အားသွင်းကြိုး၊memory card၊ နားကြပ်နဲ့ မိမိအသုံးပြုနေတဲ့sim cardအပိုတစ်ခုကိုဆောင်သွားသင့်ပါတယ်။
ဖုန်းကိုပါဝါမဖွင့်ခင်အရင်ဆုံးဖုန်း screenမှာဖြစ်ရာပါမပါစစ်ပါ။ဖုန်းရဲ့ဘေးမှာပါတဲ့ခလုတ်တွေကိုလည်းကောင်းကောင်းအလုပ်လုပ်ရဲ့လားသေချာစစ်ပါ။ကင်မရာမှန်တွေကောင်းမကောင်းလည်းသေချာစစ်ပေးပါ။နောက်တော့ဘေးဘောင်နဲ့ကျောဖက်မှာပွန်းရာပါမပါစစ်ပါ။ နောက်တော့ ဖုန်းမှာပါတဲ့ battery ဟာ Original ဟုတ်မဟုတ်စစ်ပါ။ နောက်တော့ Micro memory card ထည့်လို့ရရင် ထည့်ပြီးအလုပ်လုပ်မလုပ်ကိုစမ်းပါ။ Sim Card ပါတစ်ခါတည်းထည့်စမ်းပါ။ ပြီးရင်ဖုန်းခေါ်ကြည့်ပြီး စပီကာဖွင့်ကြည့်ကာ ဖုန်းပြောရတာ ကောင်းမကောင်း၊ စပီကာအသံထွက်အခြေအနေကိုစစ်ပါ။ ပီးရင်တော့နားကြပ်ကြိုးကိုတပ်ပြီး နားကြပ်အလုပ် လုပ်မလုပ်ကိုစစ်ပေးပါ။မိမိယူလာတဲ့အားသွင်းကြိုးနဲ့ အားဝင်မဝင်လည်းစမ်းသပ်ပေးပါ။နောက်ဆုံးမှာတော့ phone စစ်ပေးတဲ့ Toolတစ်ခုခုကိုသုံးပြီးဖုန်းကိုစစ်ပေးပါ။
(၇)နောက်ဆုံးအနေမိမိစိတ်တိုင်းကျလို့ဝယ်ယူတော့မယ်ဆိုရင်တော့ဈေးညှိရပါတော့မယ်။ပထမဆုံးအနေနဲ့မိမိပေးလိုတဲ့အများဆုံးပမာဏထက်နည်းပြီးပေးကြည့်ပါ။နောက်မှတဖြည်းဖြည်း ပမာဏကိုတိုးပေးသွားပြိး မိမိပေးလိုတဲ့အများဆုံးပမာဏနဲ့ရအောင်ညှိနှိုင်းတာဟာအကောင်းဆုံးပါပဲ။ရောင်းမဲ့သူကကိုယ်ပေးနိုင်တာထက်ပိုလိုချင်နေမယ်ဆိုရင်တော့ နောက်ထပ်ရောင်းမဲ့သူသာရှာပါ။ရောင်းလက်တွေမရှားပါဘူး။တွေ့တွေ့ချင်းအလျင်စလိုဝယ်လိုက်ခြင်းဟာမိမိငွေကိုလိုတာထက်ပိုကုန်စေပါတယ်။ ပြောချင်တာကတော့စိတ်ရှည်ရှည်နဲ့ရှာဖွေပြီးသေချာစဉ်းစားဝယ်ယူဖို့ပါပဲ။ ဖုန်းမှာပါလာတဲ့ အပြစ်အနာအဆာတွေကိုသေချာရှင်းပြပြီး ဈေးကိုလျော့ခိုင်းနိုင်ပါသေးတယ်။
Online ကနေဝယ်ယူတာမျိုးအပြင် ခုချိန်မှာ အပြင်ဆိုင်တွေလည်း အတော်များနေပြီမို့ ကိုယ်စိတ်ချယုံကြည်ရတဲ့နေရာမှာ ကျွမ်းကျင်သူ အသိမိိတ်ဆွေနဲ့ အတူတူ သွားဝယ်ဖို့ အကြံပြုပါတယ်။
